Net die beste uit die geweste
DIE kosskrywer Georgia East onderneem ’n kulinêre reis van Yzerfontein tot Doringbaai en verken die Weskus en sy koslekkertes. Sy skep heerlike, fieterjasievrye geregte met ’n Mediterreense kinkel en bring so hulde aan die oorvloed van dié gebied.
Ons het ’n paar resepte beproef en kan dit beslis aanbeveel.
1. SNOEK MET PAPRIKA-KNOFFEL-BOTTER
Of dit nou in ’n degie gebraai, gesout, gedroog of gerook word – snoek word oral aan die Weskus geniet. Dié ferm vis is ryk aan omega 3-vetsure.
GENOEG VIR 6
BEREIDING: 15 MIN.
GAARMAAK: 18 MIN.
◗ 250 g botter◗ 10 ml (2 t) Spaanse gerookte paprika◗ 4 knoffelhuisies, fyngemaak◗ 1,5 kg heel snoek, skoongemaak en oopgevlek◗ 3-4 takkies
