VUISVOOS?

‘HY HET MY LAAT GLO DAT ELKE AANRANDING MY SKULD WAS’

Nadia* se man, Wikus*, het lank voordat hy haar begin mishandel het, al glimpse gewys van die gewelddadige mens wat hy eintlik was. Maar Nadia, ’n mooi vrou in haar laat veertigerjare, wou dit nie sien nie, of het regverdiging daarvoor gesoek. “Ek het selfs veilig gevoel omdat sy gewelddadigheid nooit op my gemik was nie.”

Daar was ’n paar voorvalle wat die gevaarligte moes laat aangaan, soos die keer toe hy haar suster in ’n woordewisseling geklap het. Of die keer toe hy die strate ingevaar het en sy .22-geweer gebruik het om katte te skiet nadat ’n kat sy budjie doodgebyt het. “Ek voel nou nog die skok en weersin as ek daaraan terugdink,” vertel sy. Hy het ook graag vertel hoe hy met