OP EIE HOUTJIE
‘EK IS NIE ’N EILAND NIE, EN DAAR’S NOG PLEK VIR IEMAND IN ONS LEWE’
DORETTE POTGIETER
Die aktrise Dorette Potgieter, wat ons in Januarie as June Spies, die wulpse ma van die verpleegster René (Simoné Pretorius) in die sepie Binnelanders sien, het ’n hegte verhouding met haar tienjarige dogter, Lia Luna Li.
“Dis ’n keuse om ’n enkelma te wees, en ’n groot verantwoordelikheid, want jy alleen is ten volle verantwoordelik vir jou kind,” sê Dorette. “Jy moet jou eie behoeftes dikwels tweede stel.”
Lia gaan elke tweede naweek na haar pa, die sanger Riku Lätti, toe. “Die reëls wat in my huis geld, geld nie noodwendig in Riku se huis nie. Lia voel altyd sy is met vakansie wanneer sy by Riku kuier omdat hy nie so streng soos ek is nie, en sy byvoorbeeld later kan gaan slaap, want dit is immers naweek.”
Haar enigste spruit is ’n selfstandige, onbaatsugtige kind met ’n fyn waarnemingsvermoë. “Ons het ’n hegte band
