TSJECHOF se skoothondjie
Almal het gesê slim Arend Stofberg en mooi Lettie Vermaak is bestem vir mekaar – nes twee skoene, perfek geskoei en nommerpas tesame! Ja-nee, dié twee sal gewis trou sodra Arend klaar geleer het.
Intussen werk Lettie in die dorp se Handelshuis. Van Maandag tot Saterdag sit sy in ’n kantoortjie en maak seker dat die boeke klop. Die dorpskêrels probeer by haar kuier, maar sy sê nee dankie, haar hart behoort net aan Arend. Later gee die kêrels moed op. Toe sit Lettie stokalleen op ’n Saterdagaand terwyl die jongklomp langarm dans by die Landbousaal. Sy blaai deur ’n modeboek wat sy op die Handelshuis se rak kry, kyk na trourokke en droom van eendag as Arend háár van die rak afhaal vóór sy dalk ’n oujongnooi word.
Toe Arend ná jare terugkom, is hy ’n geleerde man, propvol boekekennis wat hy gretig aan die kinders van Hoopfontein oordra. Hy rig die rugbyspannetjie af, beywer hom vir kuns en kultuur, en ná afsterwe van Oumeneer Lotriet word hy die skoolhoof.
Mooi Lettie woon steeds by haar ouers en versorg hulle van kop tot toon.
“Dis my plig,” sê sy vir Arend wanneer hy moedeloos vra: hoe lank nóg? Dis wat die mense van Hoopfontein ook vra. Hulle sien die twee sit saans op die stoep en hou handjies –
You’re reading a preview, subscribe to read more.
Start your free 30 days