MAMMA RIANA

Riana en Cornel het twee seuntjies. Tristian is drie, en Sebastian word in September twee. Sy sê sy is ’n rustige ma. “Ek is” Wat geniet sy die meeste van ouerskap? “Elke liewe deel! Dis die lekkerste ding wat ek al ooit gedoen het. Elke oomblik is vir my – van doeke ruil tot daardie trots van ‘Mamma, ek het my eie broek opgetrek’. Ek is mal oor die warm drukkies, en as hulle dit vir die eerste keer regkry om ‘rrrrrr’ te sê, of ’n soentjie te gee! My oudste loop in die huis rond en sing kliphard die woorde van my nuwe liedjie ‘Hou die hemel oop’.” Dit maak haar hart om meer as een rede bly. “Ek het van die begin af liedjies geskryf met die wete dat kinders dit sal saamsing, en ek is dankbaar dat wat ek skryf, kinders van die Here en die hemel leer. Jy preek deur jou musiek ook op ’n manier vir mense, en jy het as skrywer en sanger ’n verantwoordelikheid wat jy ernstig moet opneem. Ek glo jy sal eendag verantwoording doen daarvoor.” Moederskap het haar al ’n paar lesse geleer. “Nes met ander ma’s het dit my geleer om iemand anders bo myself te stel, elke oomblik van elke dag. En dis verskriklik goed vir my! Om ’n ma te wees hou my aan die bid, en baie dankbaar.”