’n Fees van smake
DHAL MAKHANI MET POORI EN BLOMKOOL IN SAFFRAAN GEBAK
GENOEG VIR 6
KwaZulu-Natal het een van die grootste Indiese gemeenskappe in die wêreld. Die invloed van dié ryk, kleurryke kultuur kan duidelik in ons Suid-Afrikaanse kerries geproe word. Hierdie ongelooflike lekker gereg word gewoonlik oornag in die Indiese klei-tandooroond gaargemaak en is heerlik, ryk en geurig.
DHAL MAKHANI
Begin reeds die vorige dag met die dal:
• 180 ml swart lensies • 30 ml (2 e) olyfolie • 1 middelslag-ui, geskil en fyngekap • 2 groen brandrissies, fyngekap • 2 knoffelhuisies, geskil en fyngekap • 4 cm vars gemmer, geskil en gerasper • 1 lourierblaar • 1 kaneelstokkie • 2,5 ml (½ t) komynsaad • 3 kardemompeule • 2 naeltjies • 2,5 ml (½ t) rooi brandrissiepoeier • 2 knypies vars gerasperde neutmuskaat • 500 ml (2 k) water • 1 x 400 g-blikkie heel geskilde tamaties in sous • 1 x 400 g-blikkie witbone, gedreineer • 125 ml (½ k) room • 45 ml (3 e) botter
Bedek die lensies met genoeg water en week oornag. Dreineer en spoel die lensies goed af onder lopende water. Bedek die lensies met water en kook vir sowat 20 min. tot gaar. Dreineer en hou eenkant. Verhit die olie in ’n oondvaste kastrol. Braai die ui, brandrissies, knoffel, gemmer en speserye daarin tot geurig en sag. Voeg 250 ml (1 k) van die water en Verhit die oond tot 160 ˚C. Sit die kastrol in die oond en bak die dhal vir 3-4 uur. Voeg die ander koppie water ná 1½ tot 2 uur by die lensies, roer deur en bedek weer.
You’re reading a preview, subscribe to read more.
Start your free 30 days