DOREEN MORRIS 35 jaar van vasbyt & flair
![sarieza1907_article_030_01_01](https://article-imgs.scribdassets.com/2t6qnp6mkg7n9hvz/images/fileK1ZCA9EH.jpg)
Baie geluk, SARIE, dat jy steeds relevant is. Daar is niks so goed soos jou huis- en hartstaal nie. Vroue wat 50 raak, voel dikwels onsigbaar. Om op 70 met soveel swier te verskyn gee ons hoop
Doreen
Die spreekwoord lui: “At sixty your broad mind and narrow waist have traded places.”
Wanneer Doreen Morris met haar skooldogter-middel in ’n swart-engroen gedrukte kente-rok en Miss Moneypenny-halssnoer haar verskyning by die Kompanjiestuin in Kaapstad se koffieplek maak, bewys sy die stelling verkeerd. Dit is veral duidelik wanneer sy oor ’n glas water, in perfekte Afrikaans, oor haar televisieloopbaan van die afgelope 35 jaar gesels.
Sy is pure Afrika-sjiek met haar hoë bolla, sterk wangbene, bokkie-oë en romerige, koffiekleurige vel wat sy saans ná badtyd met Vaseline bevog. Haar vingers is lank, soos dié van ’n pianis, die naels, Frans gemanikuur.
Sy waai al die komplimente weg. “Ek trek aan om goed te voel. Vandag het vroue soveel vryheid om kort of lang rokke te dra. Ek is ook mal oor jeans.” Sy word gereeld vir haar unieke styl geprys en sê sy geniet dit om af en toe op te tof vir die rooi tapyt.
Doreen is die verpersoonliking van ’n suksesvolle Suid-Afrikaanse vrou wat haar pad van Elsiesrivier op die Kaapse Vlakte tot in die wêreldarena uitgetrap het. Deesdae tel Libanon, Kuba en Jamaika onder haar gunstelingbestemmings. “Daar
You’re reading a preview, subscribe to read more.
Start your free 30 days