Om al die balle in die lug te hou

“Die ma in’n gesin is gewoonlik die een wat die huishouding bestuur en sorg dat die wiele nie afval nie,” sê Derika de Villiers, ’n kliniese sielkundige.

“Sy sorg dat almal in die gesin so gemaklik as moontlik met hul daaglikse lewe kan voortgaan. Of sy’n tuisblyma of werkende mamma is, sy bestuur die hele huishouding,” sê sy.

Daar bestaan definitief’n wanpersepsie oor tuisblyma’s, sê Derika.

“Om’n tuisblyma te wees, is harde werk en kan ook baie eensaam wees.’n Tuisblyma is nie Dinsdagoggend eerste in die ry om’n fliekkaartjie te koop of heeldag by die salon om haar naels te doen of’n spabe-handeling te kry nie.’n Tuisblyma staan ook douvoordag op om die kinders vir skool reg te kry, hul tasse en kosblikke te pak en sodra die huis stil raak, is daar 100 take wat wag. Daar