Hou die MODEMONSTER in TOOM
Ons sien dit oral: papierstrooitjies wat plastiekstrooitjies vervang, mense wat hul eie koppies vir wegneemkoffie ronddra en plastiekverpakking tydens inkopietogte vermy.
Hoewel al dié veranderinge positief is, sê omgewingsbewustes die modebedryf is nét so ’n groot sondaar wanneer dit by besoedeling kom.
Die spoed waarteen nuwe klere beskikbaar is en die gewoonte om gedurig nuwe klere te koop, staan as fast fashion bekend en ’n groeiende wêreldwye neiging probeer dié “monster” hokslaan.
In ’n artikel wat sowat ’n jaar terug in The Guardian verskyn het, word daar genoem dat die gemiddelde kledingstuk ’n leeftyd van 2,2 jaar in die Verenigde Koninkryk het. ’n Toenemende aantal jongmense probeer nou om minder klere te koop en oorweeg eerder tweedehandse opsies. Wanneer nuwe klere wel gekoop word, kry plaaslike en volhoubare handelsmerke veral voorkeur.
‘GROEN’ IS DIE NUWE SWART
Suid-Afrika se voorste modeplatform, die Suid-Afrikaanse modeweek, het
