Eindig die jaar op ’n HOOGTEPUNT
Jy’s vuisvoos en om elke hoek en draai is daar slegte nuus. Die ekonomie druk, elektrisiteit word minder, pryse gaan op en boonop voel jou stukkie verlof soos ’n klein laslappie in ’n reusekombers van werk en nogmaals werk.
Ja, 2019 was vir baie mense ’n lang jaar met volgepakte ure en heeltemal te min ligte oomblikke.
As jy tans moeg, gefrustreerd en oorweldig voel, probeer die volgende wenke om jou jaar op ’n hoë noot af te sluit:
1 ERKEN JOU SUKSESSE
Daar was vir seker oomblikke in die afgelope jaar wat jy gevoel het jy het iets “reg” gedoen. Skryf die hoogtepunte van jou jaar neer. Dalk staan jy verwonderd oor die geluk en goedheid wat oor jou pad gekom het. ’n Gautengse lewenstylafrigter, stel voor dat jy ’n tema aan die afgelope jaar koppel. Iets soos ’n les wat jy geleer het: “uithouvermoë” of “selfvertroue”. Sy sê as jy jou suksesse benoem, sal dit jou in staat
