EIERS dís nou kos!
Eiers en cholesterol? Daai ou debat is mos lankal bygelê. Dieet-cholesterol, soos dié in eiers, kan nie aan hartsiekte gekoppel word nie. Punt.
Selfs Amerika se top-advieskomitee oor dieetriglyne, die DGAC, het vir 2015-’20 sy waarskuwing oor kosse hoog in cholesterol laat vaar. Talle wetenskaplike studies het immers bevind kosse hoog in cholesterol kan nie cholesterolvlakke by gesonde mense beïnvloed en/of die risiko vir hartsiektes beduidend verhoog nie, volgens Madeleine de Villiers, dieetkundige konsultant vir die SA Pluimveevereniging (SAPA).
Onlangs het dit gelyk of die debat weer gaan vlamvat, nadat ’n groot Amerikaanse studie gewys het volwassenes wat meer eiers en dieet-cholesterol inneem, het ’n beduidend hoër risiko vir hartvatsiekte en dood aan enige oorsaak. Verskeie navorsers het egter water op daardie vuurtjie gegooi en die studie se beperkings uitgewys. Hulle het benadruk dit moet gesien word teen die agtergrond van talle studies wat die teenoorgestelde bevind het. Teenstellende bevindings is boonop nie ongewoon nie, dis deel
