Basta met die N1
Suid-Afrikaners is nie bang om ver te ry nie. Vra ’n Engelsman om gou van Londen af Edinburgh toe te skiet – ’n afstand van 650 km – en sy oë rek so groot soos pierings. Johannesburg en Kaapstad is 1 400 km uitmekaar, maar heelparty Suid-Afrikaners ry daai afstand op die N1 binne een dag. Die agterpad deur die Groot-Karoo is egter 1 700 km lank – so ver soos Londen van Rome af – en hóm kan jy nie in ’n
