In geval van nood...
Ons was almal al in ’n situasie waar jy die veiligheidsgordel moet losknip, jou moue oprol en uitklim om iets reg te maak wat langs die pad onklaar geraak het. Of dalk het jy iemand gebel om na jou toe te ry om die probleem namens jou op te los.
Maar hoe gemaak as julle regtig in die middel van nêrens is en iemand in die konvooi se voertuig slaan aan die brand of moet tot by die naaste motorwerktuigkundige gesleep word? Ons het hierdie lys van items saamgestel wat jou in die meeste gevalle sal help.
PRO-QUIP JERRYKANTUIT
Skink ’n ietsie
As jou toertrokkie nie met ’n tweede brandstoftenk toegerus is nie, moet jy seker maak jy neem genoeg jerrykanne saam. Hierdie tuit het ’n metaalbasis wat swaar in jou hand lê en ’n buigsame plastiektuit aan sy voorkant om
