Manewales by Monateng
Die Monateng-lodge-en-woonwapark noord van Pretoria lê reg langs die Dinokeng-wildreservaat. Dis boonop net ’n halfuur se ry uit die stad, wat beteken jy is binne ’n oogwink daar met jou kamp opgeslaan, reg vir jou naweekruskans.
En met alles wat hier te doen en sien is, gaan jy beslis nie sukkel met ’n klomp verveelde kinders wat heeldag by jou staanplek rondhang nie.
Die grasbedekte speelgebied is net-net kleiner as ’n rugbyveld en lê langs die luukse staanplekke. ’n Groot waterwurm troon bo die horison uit – as die kamp nie besig is nie, gewoonlik buite spitstyd, is die wurm gesluit, maar die oordmense sal kom oopmaak as jy ’n spannetjie van 15 of meer bymekaar kan kry wat wil gly. Die water van die twee swembaddens – ’n grote en ’n kleintjie – word nie verhit nie, en daarom sal lyfnatmaak in die wintermaande
