Warm wenners

Vergeet die argument oor watter soort koffie die beste is –’n espresso, cappuccino en latte smaak op die ou end almal dieselfde as jy die langpad aandurf. Die beste beker boeretroos lê nie in die geur nie (Jammer, maar ek verskil van jou. – Red); dit gaan eerder daaroor of hy jou van binne af kan warm maak terwyl dit snerpend koud is buite. Dit gaan ’n teleurstelling wees as jou water koud is teen die tyd dat jy jou beker skink.

Ons het ’n klompie produkte getoets wat landwyd beskikbaar is by buitelewewinkels. Ons toetsmetode het behels dat ons water kook en dadelik in die flesse tap en die proppe toedraai, maar ons het ook ’n koue toets uitgevoer waarin ons water tot 2ºC verkoel voordat ons dit