Breek weg na Bonnievale
Die Breëriviervallei is ’n bekende vrugte- en wynstreek met heelwat klein dorpies wat tussen die uitgestrekte wynlande en vrugteboorde versprei lê. Dit is dus te wagte dat daar tussen al dié landerye ’n handjie vol uitstekende kampplekke versteek lê. Die Bonnievalerivierlodge is een só ’n kampplek en lê skaars ’n kilometer van die dorp se hoofstraat af.
Welkom, welkom!
Met jou aankoms groet Stephen Oelofse jou by die ontvangskantoor. Saam met sy lewensmaat, Lynnette van Wyk, bestuur Stephen die kampterrein vir Corplodge. Die paartjie verduidelik die reëls en uitleg van die kampterrein, en wys jou waar jy jou kampnessie kan skrop. As dit nie te besig is nie, kan jy jou eie staanplek kies, ongeag watter een jy bespreek het.
Hier is ook ’n klein winkel in die kampterrein waar jy noodsaaklikhede soos hout (R25 per sak), koeldrank en ander goedjies kan koop. Hier is
