Ontmoet die mense
Chris Moolman
Bestuurder by Resthaven-gastehuis
Die 30-jarige Chris is ’n vrygesel en woon sedert hy 9 jaar oud is op Matatiele. “Ek hou van die mense hier, die klimaat is lekker en ek is mal oor die berge. My gunstelingseisoen is herfs, want dan begin dit afkoel. Die enigste nadeel is dat ons ver weg is van al die groot plekke en winkels en hospitale en movies!”
Chris het ná skool in Michigan en Indiana in die VSA gaan werk by ’n rondreisende karnaval. “Ons was ’n klomp Suid-Afrikaners wat die op-en afslaanwerk gedoen het. Die geld was goed – $250 per week – maar die ure crazy. Gelukkig was ek nog jonk genoeg om die punch te kon vat!”
Nou geniet Chris, wie se ouers al die jare nog hier woon, sy werk by die gastehuis. “Die ure is buigsaam
