Pure pitkos
Deesdae is vars mielies byna heeljaar in supermarkte te kry, maar eens op ’n tyd het Suid-Afrikaners reikhalsend uitgesien na die groenmielieseisoen wanneer dié sagte mielies net so in hulle blare gekook of oor die kole gebraai is. ’n Deel van die lekkerte was om die blare en baard af te trek en die mielie dan met lekker baie botter en ’n strooisel sout by te dam voor jy dit verorber.
’n Mielie wat so in sy dop gebraai is, is voorwaar ’n wonderlike ding. Ek maak graag ’n verskeidenheid gegeurde botters–óf olyf óf pikantrissie en feta óf biltong–om daarmee saam voor te sit–’n eenvoudige dog voortreflike feesmaal.
Platteland sê
Dié soutige weergawe is ’n lekker happie saam met skemerkelkdrankies.
Italiaanse mieliepoffers
Die Italianers noem hulle mieliepoffers “zeppole” en sit dit soet of sout voor. Jy kan boonop die poffers vooraf maak en in ’n oond van 160 ºC verhit tot louwarm.
Genoeg vir 6
Bereidingstyd 20 minute
