Bring marokko huis toe
spyskaart
Glutenvrye sampioentertjies
Pampoenkoekies met lemoen
Persiese rys met ’n kors
Marokkaanse hoender
Olyfoliegemmerkoek met roos-en-appelversiersel
Glutenvrye sampioentertjies
Die kors van dié tert is verspotmaklik, maar jy kan dit nóg makliker maak deur snye suurdeegbrood te rooster en die misosampioene daarop voor te sit.
Maak 6 klein tertjies
Bereidingstyd 15 minute
Gaarmaaktyd 15 minute
JY BENODIG
VIR DIE KORS
• 250 g amandels
• ¼ teelepel (1,25 ml) elk fyn komyn en koljander
• 1 eetlepel (15 ml) olyfolie
• 1 eier
VIR DIE VULSEL
• ¼ koppie (60 ml) botter of olyfolie
• 1 teelepel (5 ml) sesamolie plus ekstra
• 500 g sampioene, grofgekap
• ¼ koppie (60 ml) wit misosmeer (miso paste)
• 2 knoffelhuisies, fyngedruk
• 6 krulkoolblare
• 300 g roomkaas (of gebruik maaskaas, ricotta of labneh)
SÓ MAAK JY
Verhit die oond tot 160 ºC. Spuit 6 klein losboomtertpannetjies (of gebruik een groot losboomtertpan van 22 cm) met kleefwerende kossproei of smeer dit met botter.
Gooi die Verhit die botter en sesamolie in ’n kastrol en braai die sampioene daarin tot mooi goudbruin. Voeg die misosmeer en knoffel by en roer die mengsel tot dit warm en geurig is. Geur dit na smaak met sout en varsgemaalde swartpeper.
