AS DIE wol waai!
Die uitsig na die ooste toe wil-wil ’n mens se asem wegslaan: uitgestrekte vlaktes, blougrys berge, ’n vreedsame soort stilte, Cradock in die verte. Dít is wat jy sien van Kareelaagte af, ’n skaapplaas op die grondpad tussen Nieu-Bethesda en die N9. Die naaste “groot” dorp is Graaff-Reinet, 60 km in die teenoorgestelde rigting.
Dit is skeertyd op Langlaagte. Die kwik staan op 30 ºC en hoë wolke kondig aan daar’s ’n donderstorm op pad. Hier en daar breek ’n skoot sonlig deur wat sorg vir die lieflikste gloed op die vlakte. Dit is moeilik om Karoolig te beskryf: Wat party mense sal afmaak as ’n vaal halfwoestyn, verander
