’n Skokkende einde
Die trane het gevloei toe een van 7de Laan (2000-nou) se gunstelingkarakters, die prokureur Xander Meintjies (Theodore Jantjies), onlangs in ’n gru-ongeluk dood is. En dit by die begrafnis van sy seun, Daniel (Kynan Lottering), wat sy stryd teen sy beenmurgsiekte verloor het. Xander is deur ’n motor getref toe hy die pad wou oorsteek en het in Vanessa (Ingrid Paulus) se arms gesterf, vir wie hy net daardie oggend gevra het om (weer) met hom te trou.
“Dit was nie vir my ’n verrassing nie,” sê Theodore oor sy karakter se dood. “Sedert ek bedank het (in September 2019), het ek en die skrywers lang gesprekke gehad oor hoe om Xander te groet en ek het ’n sterk gevoel
