AKWAPONIKA – STELSEL VIR DIE TOEKOMS

Johannes Potgieter en sy vrou, Sonette, van die plaas Sandlaagte naby Alexandria in die Oos-Kaap het op 15 Oktober 2018 die eerste stene vir hul kommersiële akwaponika-eenheid gelê. Op 23 Desember kon hulle hul eerste oes aan die vakansiegangers van Kenton-on-Sea lewer. Johannes vertel laer reënval het hom gedwing om ’n alternatiewe inkomste op die plaas te soek om hom en sy gesin te onderhou.

“Dit is waardetoevoeging en vertikale groei. As die stelsel in volle produksie is, is die wins soortgelyk aan wat ek op 1 000 ha met beeste in hierdie gebied kan verdien – en 1 000 ha gaan jou R25 miljoen kos.”