WERKLOOS, NIE WEERLOOS
Dis nou eers Maart, maar die land se werkers slaan in koue sweet uit oor die moontlikheid van grootskaalse afleggings (retrenchments) voor die einde van die jaar.
Dis regtig ’n stryd om oorlewing en die meeste mense klou soos nete aan hul werk. Maar wie kan hulle blameer, want in die huidige ekonomiese klimaat, is voorsorg beslis beter as nasorg.
Die Suid-Afrikaanse werkloosheidsyfer is hoër as ooit. Selfs in sy staatsrede onlangs kon pres. Cyril Ramaphosa nie die werkloosheidsyfer omdraai in iets positiefs nie.
Die afgelope jaar het meer as 20 000 Suid-Afrikaners reeds hul werk verloor en dit lyk asof dié syfer in 2020 net gaan styg. Groot werkgewers soos Telkom, Edcon en Massmart het reeds aangedui hulle
