AS DIE WIEGIE LEEG BLY
Infertiliteit is lankal nie meer ’n verbode onderwerp nie. Terwyl paartjies in die verlede gewoon geswyg het oor hul onvermoë om swanger te raak, is onvrugbaarheid vandag iets waaroor mense openlik praat. Ons het met dr. Jaco Strydom, ’n ginekoloog en infertiliteitspesialis by die Fembryo-kliniek in Port Elizabeth, oor die onderwerp gesels.
MITE #1 DAAR IS VANDAG MEER ONVRUGBARE MANS EN VROUE AS VOORHEEN
Hoewel dit waar is dat ál meer babas ná infertiliteitsbehandeling gebore word, kan dit nie met sekerheid gesê word dat meer mense deesdae onvrugbaar is nie.
Daar is heelparty redes wat dit laat lyk of onvrugbaarheid toeneem. Dit sluit in dat baie meer paartjies deesdae onvrugbaarheidbehandeling
