Persoonlikheid BEPAAL BAIE
Kyk jy soms na daardie mensie (wat jóú kind is) en wonder waar dié wesentjie vandaan kom?
Met al sy spesifieke voorkeure, karaktereienskappe en persoonlikheidstrekke voel hy soms soos ’n klein vreemdeling.
Maar terselfdertyd beskik hy oor eienskappe wat presies nes joune of jou maat s’n is ...
Ja, dis persoonlikheid. En iedereen, groot of klein, het ’n unieke een. Jou persoonlikheid bepaal hoe jy na die wêreld kyk, hoe jy dinge hanteer en hoe jy met mense en situasies omgaan.
Dit bepaal of jy ’n ekstrovert is wat gek is oor mense om jou, of ’n introvert wat jou eie geselskap verkies. Maar persoonlikheid gaan oor veel meer ...
Reeds in die moederskoot is daardie unieke persoonlikheid al gevorm, hoewel sekere omgewingsfaktore wel op die ou einde gaan bepaal wie en wat jy is, wat jou talente is en hoe dit gaan ontwikkel.
DIT HET BEGIN BY JUNG
Persoonlikheid kan die beste verduidelik word deur te dink aan iemand wat met twee hande gebore word, sê Lizette Erasmus, ’n opvoedkundige sielkundige van Pretoria. “Elke mens ontwikkel ’n voorkeur vir links- of regshandigheid. Dieselfde geld persoonlikheid. Jy ontwikkel ’n voorkeur om byvoorbeeld ’n introvert of ekstrovert te wees.”
Volgens dié teorie, wat sy oorsprong het by die bekende Switserse sielkundige Carl Jung, kom elke kind die wêreld binne met spesifieke voorkeure, oftewel ’n spesifieke persoonlikheid, sê Lizette.
“Tog kan ’n baie oorheersende of
You’re reading a preview, subscribe to read more.
Start your free 30 days