Ghriespomp en Mof het senter-yster vir Bontes help smee
Dries Maritz sou nie verkwalik kon word as hy die trefferliedjie van Leon Schuster en Gé Korsten “Ag man, dis lekker in die army” so nou en dan neurie nie, want dit was as dienspligtige wat hy as rugbyspeler “ontdek” is.
Maritz, ’n legende in eie reg op Ellispark en in Transvaalse geledere, het dekades lank die rekord gehou vir sowel die meeste wedstryde (141) as drieë (49) in die Rooibontes se trui.
Die lewe het weliswaar ’n ongemaklike draai met hom gestap, maar selfs dit kon nie Dries Maritz se borrelende gees
