Elektriese toorkuns
In sport noem ons hulle fanatici. In kuns ekstremiste. In politiek radikale. In godsdiens fundamentaliste. Dit nou diegene wat dinge donderend bestorm tot op die punt van kop verloor, soos die ontwerpers van hibriedmotors. Die eerste drie geslagte van Toyota se Prius, die eerste twee van Honda se Insight en selfs die eerste geslag Hyundai Ioniq was almal strykysters.
En hulle het so gelyk omdat groen-tenalle-koste die mikpunt was. Die 2021-tei-ken vir nuwe motors in Europa is juis uitlate van 95 g CO2/km, ’n besnoeiing van 30% vergeleke met 2010. Die uiteindelike mikpunt is natuurlik zero uitlate.
Maar iewers moet die reis begin, en hibriedkrag is die oorgangsantwoord tussen die ou sondige manier van ry en die toekomsdroom van elektriese of waterstofgedrewe voertuie.
