Droëboonwenner ná net drie oeste

PLAASINLIGTING

LIGGING: Potchefstroom, Noordwes

NAAM: Taaiboschbult

EIENAARSKAP: Alwee Boerdery (Edms.) Bpk.

VERTAKKINGS: Droëbone, kommersiële mielies, saadmielies, koring, slaglamproduksie, speenkalfproduksie, kuilvoer, aangeplante weiding en voerkrale

GRONDTIPE: Van Hutton tot turf

VELDTIPE: Rooigras en aangeplante weiding

GEMIDDELDE REËNVAL: 450 mm per jaar

KORTOM

■ Dié boer het droëbone gekies omdat dit die enigste gewas met ’n laer insetkoste as kommersiële mielies is.

■ Afvalbone word aan die skape op die plaas gevoer en word só benut.

■ Selfgemaakte kompos van voerkraalmis stel hom in staat om 50% aan kunsmis te bespaar.

Allerlei slim planne word op die plaas Taaiboschbult by Potchefstroom beraam om dié omvangryke, gemengde boerdery op die winspad te hou. Dit is dus geen wonder nie dat mnr. Wikus van Niekerk suksesvol met graan, droëbone, skape en beeste boer en boonop sy eie voerkrale en komposmakery bedryf.

Hy is einde 2019 as die Droëboonprodusente-organisasie (DPO) en Syngenta se Droëboonprodusent van die Jaar aangewys – dit is ’n