Só herstel jy grond
Boere van Citrusdal wat hoofsaaklik met sitrus boer, het verlede Augustus onderneem om elk 1 hektaar dekgewasse te saai met die doel om minder afhanklik van sintetiese insette te word.
Dié groep produsente is lede van die Atlantic Fertiliser-Citrusdal-herlewingslandbouwerkgroep. Die werksessie is gehou op die plase van me. Martli en mnr. Reinhardt Slabber van Hexrivier Sitrus en mnr. Bernie van den Heever van Cape Mango.
Op Hexrivier word dekgewasse al langer as drie jaar aangeplant om die boordvloer proaktief koeler te hou en om onkruid te bekamp.
Slabber het verlede Mei ’n mengsel van lupiene, rog, serradella en wieke in die werksry van haar organiese suurlemoenboorde gesaai. Dit word aangevul met inheemse kruide soos sandkool () en horlosieplant () wat vanself ontkiem.
