SLAAP ANDERKANT DIE DRAAD
Etosha se ruskampe se grootste troefkaart is hulle verligte watergate. Min dinge is lekkerder as om vroegoggend met ’n koppie koffie langs ’n watergat te sit en kyk hoe olifante suip.
Maar dié einste watergate lok hordes busse, safaritrokke en huurbakkies vol toeriste na die Okaukuejo-, Halali-en Namutoniruskamp en dryf die prys van die blyplekke die hoogte in.
Deesdae is hier ’n hele paar blyplekke wat goeie waarde vir geld bied net buite die park. Die kampgeriewe is dikwels beter (eie ablusie, meer privaatheid) én dis goedkoper. Boonop het van die plekke diere én watergate. Trouens, by Etosha Village gaps ’n gemsbok die slaaiblare van jou bord af en by Etosha Safari Lodge & Camp sny vlakvarke die gras. Daarby is Sachsenheim een van die beste plekke in Namibië waar jy ’n swartwangkatlagter van jou voëllys kan afmerk.
PRYS PER PERSOON (KAMP)
PRYS PER GESIN VAN 4 (KAMP)
1 NOMMER OP KAART OP BL. 90
ETOSHA SE PRYSE
Ons dui by elke blyplek die prys per persoon en vir 'n gesin van 4 wat kamp (2 volwassenes en 2 kinders jonger as 12) aan sodat jy dit met Etosha se kamppryse kan vergelyk. Dit kos R333 p.p. (R389 p.p. vanaf Julie) en halfprys per kind tussen 6 en 12 jaar om in die park te kamp, dus R999 p.n. vir ’n gesin. Selfsorgblyplek begin by R1 110 p.p. met ontbyt, dus R3330
