Nie-selektiewe weiding: Waar begin jy?
Wat ’n wonderlike seisoen beleef die Suid-Vrystaat nie! Vroeë – en gereelde reën – het geval. ’n Mens sê maklik dit is die mooiste wat ek die Vrystaat nóg gesien het, maar ek dink dit is net omdat ons so gou vergeet. Wat wel waar is, is dat die Vrystaat vanjaar uit sy nate bars.
Die Dewetsdorp-boerevereniging het onlangs ’n baie suksesvolle boeredag op my plaas gereël. Een van die onderwerpe wat bespreek is, was nie-selektiewe beweiding. Altesaam 65 boere het opgedaag, ’n bewys van heelwat leergierigheid. Benewens ’n klomp plaaslike beesboere was daar boere van tot Vrede, Theunissen en Aliwal-Noord. Een van die
