Maak jou boerdery droogtebestand
KORTOM
■ Hoër vlakke van organiese inhoud in grond verbeter waterhouvermoë en maak plase meer droogtebestand.
■ Van alle organiese inhoud in die grond, word 85% deur wortels vervaardig.
■ Die ander 15% is afkomstig van diere se mis en uriene.
O ral waar mnr. Dale Strickler kom om met boere oor herlewingslandbou te praat, word daar vir hom vertel: “Dit sal nie hiér werk nie.”
“Ek het lank gesoek, maar ek weet nou waar daardie ‘hier’ is waarvan boere praat. Dit is ’n baie klein plekkie . . . Hier is tussen hulle ore. Hiér is in hul koppe.”
Strickler, wat een van vanjaar se hoofsprekers op Landbouweekblad en Graan SA se herlewingslandboukonferensies in Maart sou wees, was reeds in Suid-Afrika toe dit skielik afgelas moes word as gevolg van die Covid-19-pandemie.
Hy het steeds met ’n klompie boere op Reitz en Ottosdal gesels waar twee van die konferensies sou
