Goeie verhoudinge laat plase in Letsitelevallei herleef
Ooreenkomste wat goed onderhandel is, billike vergoeding en waterdigte kontrakte is alles belangrik wanneer ’n mens sake doen met gemeenskapseiendomsverenigings. Die groot werk behels egter die bou van eerbare verhoudinge met die eienaars van die grond wat jy bewerk.
Só sê mnr. Faan Kruger, bestuurder van Serala Estate (deel van Indigo Fruit Farming), ’n vrugteboerdery wat op 1 200 ha gemeenskapsgrond in die Letsitelevallei bedryf word.
Hierdie was eens spogplase wat aan groot boere in die Laeveld in Limpopo behoort het. Daar was ’n bussie wat al die plaaskinders elke dag Tzaneen toe en terug karwei het, onthou mnr. Heinrich van Aswegen. Hy was een van dié boere se kinders.
Sy pa, mnr. Robbie van Aswegen, het hier geboer tot die staat die grond in 2001 by die eienaar gekoop het om aan die Mamahlola-gemeenskap terug te gee.
Mnr. Samson Modiba is die voorsitter van die Mamahlola-gemeenskapseiendomsvereniging by wie Serala die eiendomme in die
