Abnormaal is die nuwe ekonomiese normaal
Die tyd van inperking in ’n poging om die verspreiding van die Covid-19-virus te beperk en lewens te red (en te keer dat die land se gesondheidstelsel inplof), kom met ’n baie duur prys vir die ekonomie en die armes van die land. Natuurlik is lewens belangrik, maar daar sal ernstig gedink moet word oor die ekonomiese nagevolge en hoe besighede staande gehou gaan word.
Die plaaslike ekonomie se vooruitsigte en Suid-Afrika se staatskuld is finaal afgegradeer tot rommelstatus. Die ekonomie gaan in ’n diep resessie verval, werkloosheid gaan skerp styg en daarmee saam die getal mense wat hulle tot misdaad en opstandigheid kan wend oor hul nuwe armoede en hongerte. Na verwagting gaan talle kleiner en selfs groot besighede nie
