DIE KOS van konings
Die wondervrou van sampioene
In die middel van die Boland, op ’n plaas by Rawsonville, woon ’n wondervrou wat al 19 jaar met sampioene boer. Wilmaré Lotz van Boland Mushrooms se hande staan vir niks verkeerd nie. Sy kweek van knopiesampioene tot portobellini’s en nou ook oestersampioene. Boonop maak sy die kompos self. Ons het gaan inloer om meer oor haar boerdery en die fungi met sy lang steel en hoed op die kop uit te vind.
1 Hoe het dit gebeur dat jy met sampioene begin boer het?
My pa het 32 jaar gelede die plaas saam met ’n Nederlander begin. Ons familie het destyds niks geweet van sampioene of hoe om met dit te boer nie. Op ’n dag was die Nederlander net skoonveld en my pa moes toe besluit, gaan hy aan met die boerdery of los hy dit. En wel, hier staan die plaas steeds. My pa is in 2009 oorlede en ek’s van toe af alleen hierso.
2 Het jy van kleins af geweet jy wil ook ’n sampioenboer word?
Glad nie. Ek het voedselwetenskap op Stellenbosch gestudeer en vakansies hier op die plaas uitgehelp, maar dis waar my belangstelling gestop
