VAN EIERTJIE TOT FETUS
Swangerskap word verdeel in drie trimesters wat elkeen sowat drie maande duur. In elke trimester ondergaan daardie bevrugte eierselletjie die merkwaardigste ontwikkeling tot op die dag dat jou baba op sy verwagte datum gebore word.
Die eerste trimester strek oor 12 asemrowende weke. Die eerste week van swangerskap begin in die eerste week van wat jou menstruele siklus sou gewees het as jy nie swanger was nie.
Die drie fases van die eerste trimester word verdeel in die bevrugting-, embrioen fetusfase.
WEEK 1
Sowat twee weke nadat jy gemenstrueer het, is daar weer ’n ovum (eiersel) beskikbaar wat wag om bevrug te word. Sodra die eerste spermsel en die eiersel mekaar ontmoet, versmelt die buitenste membrane van die twee selle en chemiese veranderinge in die eiertjie keer vinnig dat nog spermselle haar binnedring.
Wanneer die spermsel binne-in die eier is, stel dit ’n chemiese boodskap vry wat die eier so te sê aktiveer. Die spermsel se kop word dan na die kern van
