Finansiële advies in die toekoms
suid-Afrika is ’n land van diversiteit. Dis ooglopend in baie dimensies waar, maar dis die verwronge verspreiding van werksgeleenthede en welvaart in die land en die implikasies daarvan virdie finansiëleadvies-sektorwat veral in dié uitgawe van Kollektiewe Insig belangrik is.
Dis ’n kapitalistiese ekonomie se aard om gestruktureerte wees om in die behoeftes te voorsien van dié wat daarvoor kan betaal. Terwyl dit baie voordelige uitkomste virdie samelewing kan hê, is dit nie die enigste manier om dit te doen nie. Soos die huidige ervaring van die Amerikaanse mediese bedryf in reaksie op die Covid-19-pandemie toon, kan dié benadering in tye van nood baie lukrake en diskriminerende sorg tot gevolg hê.
