’N POELIESMAN, ’N DIKWIEL-BAAISIEKEL EN SEWE WILLEHONNE
In Januarie 1975 het ek by die SA Polisie aangesluit as ’n studentekonstabel.
Ek moes die vyfde Julie van daardie jaar by die Kollege aanmeld vir opleiding. Die ses maande waartydens ek ’n student was, het ek indiensopleiding ontvang en wel by Pretoria Sentraal-Polisiestasie.
Ek was egter meer op die skietbaan en in geweerwinkels as by die werk. My broer, wyle Daan Hamman, het op die plaas Selati Ranch, naby Gravelotte geboer.
