BYT VAS, die wiel sál draai
Suid-Afrika se wildbedryf is heeltemal eiesoortig.
“’n Mens kry dit nêrens anders ter wêreld nie. Dit is ’n Suid-Afrikaanse ding, dit is spesiaal en dit gaan nie verdwyn nie. Daar sál ’n herstel wees.”
Dít is waaraan mnr. Warrick Barnard, bekroonde wildboer van die Oos-Kaap, vashou sedert die Covid-19-pandemie die wildbedryf sleg gekwes het. Dit is ook die boodskap wat hy wil hê sy kollegas in die bedryf moet hoor, terwyl hulle spartel om deur die krisis te probeer kom.
“Dit is moeilik om lig aan die einde van die tonnel te sien, veral vir ouens wat slegs op die wildbedryf staatmaak. Sake is benard.”
Barnard is uitvoerende hoof en vennoot in die suksesvolle Woody Cape Wildlife, met plase by Salem en Cannon Rocks in die Oos-Kaap. Woody Cape Wildlife teel topgehalte wild, spesifiek buffels.
“Ons het swaar belê in die wildbedryf en topgehalte diere gekoop. In ’n groot mate sal dit ons deur hierdie moeilike tye dra. Ons verstaan dit is ’n langtermynbelegging, daarom sien ons die Covid-19-krisis maar
