‘Dit voel weer soos van ouds’
‘Almal maak kos vir almal, jy kan altyd jou foon optel, sê wie is siek.’
Die ou Distrik Ses is in die gedwonge verskuiwings van 1966 tot 1982 omgedolwe en stilgemaak. Maar skrywers en geeste soos Taliep Petersen en David Kramer, wyle Adam Small en die fotograaf Cloete Breytenbach sou wel sorg dat die gelaaide gevoel van bedrywighede en karakters vir altyd vasgevang word en voortleef.
Behalwe vir Harringtonstraat (meer op die randjie van Distrik Ses) met sy graffiti en hipster-gevoel, staan die velde van ’n gesloopte verlede vandag steeds leeg. Haweloses met hul tente spikkel plek-plek op die groen gras, met ’n ou kerk of groot moskee iewers naby.
Die families wat van die Kaapse Vlakte hierheen teruggebring is, straatname soos Keizersgracht wat na Hanoverstraat terugverander is of Distrik Ses, wat sy naam
