’N REDDER VIR DIE GRYSES
DIT was die grootste groepseis nóg in die Suid-Afrikaanse regsgeskiedenis – tussen die staatsmaatskappy Transnet en sowat 52 000 pensioentrekkers wat ná jare lange diens by die Spoorweë op hul oudag ’n sukkelbestaan moes voer.
En toe hulle aan die einde van Junie ná ’n marathonstryd van nege jaar eindelik ’n soete oorwinning smaak, was dit soos ’n eietydse Dawid wat die reus van ’n Goliat verslaan.
Want in die pensioentrekkers se hoek van die kryt het Wynanda Coetzee, ’n elegante blonde prokureur en senior vennoot in ’n klein Pretoriase prokureursfirma, geveg om vir hulle beter pensioenvoordele te verseker.
Maklik was dit nie. “Wanneer ’n klein firma met heelwat minder personeel met groot teenstanders samesprekings voer en jy hul luukse kantore en
