VEILINGS

PRETORIA KALAHARI RED / R51 000

’n Suid-Afrikaanse rekordprys is op die nasionale veiling van die Kalahari Red-klub in Pretoria behaal. Mnr. Josef Kleynhans van Dhidejak Boerbokke, Lephalale, het ’n Kalahari Red-ooi) teen ’n rekordprys van R51 000 verkoop. Die koper is mnr. Jannie Venter van Blyde Kalahari Reds, Hoedspruit. Van links is mnre. Corné du Plessis, afslaer, Venter, Juan Grant van die Fire & Wine-arena en Kleynhans. Die veiling is gelyklopend digitaal gehou. Die afslaer het hoë lof vir die telers wat van hul beste teelmateriaal aangebied het. Die duurste ram is deur mnr. Albie Horn teen R70 000 aan mnr. Dolf Kampman van RDF Trading LDA, Mosambiek, verkoop. Die drie duurste ramme op die veiling is almal deur Horn geteel. CDP Afslaers het die veiling aangebied.