NOG AANPASSINGS NODIG IN SA BEDRYF
Die primêre suiwelbedryf het gaandeweg groot veranderings ondergaan. Melkboere het aangepas en in gevalle waar dit nie moontlik was nie, besluit om melkboerdery te laat vaar.
Die oorblywende 1 164 melkboere slaag daarin om ondanks ’n klomp ongunstige faktore steeds winsgewend te wees en, soos uit die Melkprodusente-organisasie (MPO) se jaarlikse rentmeesterskapkompetisies blyk, daarin te slaag om na die mense en die planeet se welstand om te sien.
Die verswakkende ruilvoet in die landbou dwing boere om doeltreffender te wees om steeds wins te maak. Die getal melkprodusente het skerp afgeneem. Totale melkproduksie het egter gestyg sodat minder boere nou meer melk produseer ( GRAFIEK 1 ).
Gemiddelde kuddegroottes en melkproduksie per koei het ook
