’n Anderse Suid-Afrika
Ons hou stil voor die pragtige NG kerk in Memel in die Suidoos-Vrystaat. Voor die kerk is daar ’n klein monument wat die Rebellie van 1914 herdenk. ’n Man stap nader. Hy stel homself voor as Fanus Coetzee. Hy bly oorkant die kerk en het pas sy braaivleisvuur aangesteek. Dis immers al 11:00.
Fanus vertel ons van die oorsprong van die Rebellie-monument. Dat die verset teen die Unie van Suid-Afrika se deelname aan die Eerste Wêreldoorlog aan die kant van die Britse magte, hier naby Memel begin het. Dit was skaars tien jaar ná die Anglo-Boereoorlog – ’n oorlog waartydens die einste Britse magte twee klein Boererepublieke op hulle knieë gedwing het met hul verskroeide-aarde-beleid en ’n reeks konsentrasiekampe waar ongeveer 34 000 mans, vroue
