JOU NUUS
HOU BY MET INENTINGS
Nou, meer as ooit, wil jy jou kinders teen siektes beskerm. Steek ’n stokkie voor ’n rits voorkombare siektes met roetine-inentings en belê gerus in opsionele ekstra inentings. As jy weens die grendeltyd agtergeraak het, maak ’n punt daarvan om vandeesmaand te probeer inhaal. Gesondheidsdienste is onder druk en as ’n groot aantal ouers ophou inent, gaan daardie siektes gou weer kop uitsteek. Maak ’n afspraak by jou kliniek, huisdokter of die pediater. Sê vir die ontvangspersoon hoekom jy kom sodat jy seker kan wees dat daar voorraad is. Dis die enigste manier om ’n uitbraak te keer van byvoorbeeld masels, polio of hepatitis. Die Wêreldgesondheidsorganisasie beskou dit as ’n saak van dringendheid dat inentings wat agterweë gebly het waar die Covid-pandemie dienste onderbreek het, nou ingehaal moet word.
Dr. Nasiha Soofie van Sanofi Pasteur sê dekking in Suid-Afrika staan op 74 persent – nie optimaal nie. Jy stel jou kind en ander aan groot gesondheidsrisiko’s bloot as jy nie
