Landbou lig in die ekonomie, maar…
Sterk jaarlikse groei van 13% in die plaaslike landbousektor is pas bekend gemaak, ’n drastiese groeisyfer as in ag geneem word dat die landbou in 2018 en 2019 met onderskeidelik 1,86% en 9,86% ingekrimp het.
Volgens die buro vir voedsel- en landboubeleid (BFAP) se jongste vooruitskouing vir die tydperk 2020 tot 2029 word die groei moontlik gemaak deur die tweede grootste mielie-oes nog van 15,5 miljoen ton, stygende pryse vir uitvoervrugte (veral weens ’n swakker rand) en sterk verkope van landbouprodukte in die eerste vier maande van die pandemie. Die uitsondering is natuurlik wyn- en tabakprodukte waarop daar met tye ’n verbod was.
Die gesaghebbende verslag is ’n jaarlikse gesamentlike projek van die BFAP-direksie en span van 25 lede, die universiteite
