‘Omskep wanhoop in hoop’
Die aanval op die Brand-gesin van Vaalharts was een van vele waar mense op plase in Suid-Afrika aangeval en vermoor is. Die nadraai daarvan – die gemeenskap se besef dat hy moet saamstaan teen misdaad – verteenwoordig egter ’n kantelpunt vir genl.maj. (aft.) Roland de Vries, gerekende militêre kenner en oud-adjunkhoof van die Suid-Afrikaanse leër.
Sy boek bevat inligting oor hoe vrywilligers deur die toepassing van goeie leierskap, bestuur, administrasie en bevel gemeenskapsveiligheid kan verseker. Dit bied ook raad oor hoe verskeie noodsituasies, hetsy gyselaarsvoorvalle of onwettige grondbesettings, bestuur kan word.
