COVID-19 EN DIE INVLOED DAARVAN OP SAJWV-LEDE
Ek is ’n lid van SA Jagters omdat ek hou van vuurwapens, skiet, jag, die natuur, en die geleentheid om by my tak, maar ook op streek- en nasionale vlak, sosiaal te verkeer met mense wat my belangstellings en passie deel. Is dit nie die rede hoekom almal van ons lid is van SA Jagters nie? Die feit dat die meeste van hierdie aktiwiteite in die buitelug plaasvind, dui ook daarop dat ons ’n baie spesiale subspesie van homo sapiens sapiens is!
Toe maak Covid-19 sy verskyning en eensklaps is al ons aktiwiteite verbode. Ons mag nie skietbane besoek nie en ook nie gaan jag nie. Vergaderings en sosiale aktiwiteite is opgeskort. Kort-om, ons is ingehok! Skielik leef ons in ’n wêreld wat ’n paar maande gelede ondenkbaar sou wees en wat sy merk laat op sosiale, finansiële en geestelike vlak. Vanaf einde Maart 2020, verkeer Suid-Afrika in ’n grendelstaat
