Ter wille van Pa
Die probleem met groot geld – ons praat van miljarde – is dit gaan saam met yslike verraad, implikasies, verdelings en yslike probleme wat ’n familie kan verwoes. Kykers het dit gesien in Billions (2016-nou), en in Succession (2018-nou) het die sieklike mediamagnaat Logan Roy (Brian Cox, Agamemnon in die fliek Troy, 2004) feitlik sy familie en kinders vernietig in sy soektog na ’n erfgenaam om sy sakeryk te bestuur. Dis effens anders in M-Net se nuwe telenovelle, Legacy, wat vanaf Ma. 21 Sep., Ma.-Do. om 19:00, uitgesaai word.
DIE PRYS VAN ROEM
“Hebsug is die superrykes se swak plek,” verduidelik Phathutshedzo Makwarela, uitvoerende vervaardiger en medeskepper van Legacy. “Daar is nie iets soos te veel rykdom in die Pricehuis nie en dit laat hulle veragtelike dinge doen.” Die familie is onder die leiding van Sebastian Price (Deon Lotz, kol. Julian van Heerden in ’n 2015-episode van die Britse periodedrama Wallander, 2008-2016). (Michelle Botes, Cherel in Isidingo, 1998-2020) en Seb se tweede vrou, (Kgomotso Christopher, Katlego Sibeko in Isidingo, 2011-2016), wat tussen hulle drie dogters en ’n seun vir Sebastian gegee het – en almal het ’n kans.
