GESELS SAAM
MENINGS OOR STORIES OP HUISGENOOT.COM
1 KALAHARI-BRAND: DIE LAND HUIL SAAM
Net twee ma’s en ’n baba het ’n verwoestende brand by die Blinkwater Desert Place Manor in die Kalahari oorleef. Dit het drie pa’s, ’n ma en ses kinders se lewens geëis
Ek en my man was ook in ons huis vasgekeer toe die kamer begin brand. Ek het gelukkig wakker geword. Maar dit gebeur so gou. My gebede is saam met die families. CINDY
Dit is ’n verskriklike tragedie om so in ’n vlammehel te sterf. My hart bloei vir elke familie. Die kindertjies en hul ouers wat gesterf het, het my baie diep geraak. WILMA
Wat in die Kalahari gebeur het, is ’n tragedie wat onbeskryflik groot is. Dis onverstaanbaar. Ag, hoe bid ek tog nie vir krag aan die oorblywende familie nie. ELNA
Ek ken nie een van die Maar toe ek hoor van die brand en wat met hulle gebeur het, het ek gehuil asof hulle familie is. Dit is so hartseer.
